من زمان وانا كنت اقرأ كتير عن الاندلس والمجد الضائع للمسلمين مش العرب بس ده لأن بعض "الوندال" او "الفاندال" اسلموا وكنت بشوف القضيه من الزمن الساحق الغابر وكانت ليه واحده اعرفها في البرتغال كلمتني عن الموريش او المغاربه او الموريسكيين اللي ساكنين في جنوب البرتغال واسبانيا وشفت الفيديو ده علي اليو تيوب واتفاجأت ان الناس دي لسه عايشه بنفس التقاليد والعادات وفي المغرب وتطوان ..انا متهيألي اللي حصل في الاندلس زمان هو اللي بيحصل في فلسطين دلوقت نفس القصه بيقسموا البلد اكتر واكتر فتح وحماس والفصائل وكله بيكفر بعضه ..."بعض" فتح بيتكلموا بسخريه عن مصطلحات حماس لأنها اسلاميه نفس الفكره برضه في مصر الحزب الوطني حزب الهبش السريع الناس المفتحين المنفتحين اللي بيستهزأو بأي فكره لحكومه اسلاميه في نفس الوقت ان كتير من الشعب المصري وبأمانه مش كلهم لأن هنا البلد بقت ميغه وميغه يعني هيصه وهيصه يعني طريه جدا بالنسبه للعادات والتقاليد والنخوه والرجوله ...المهم الناس فعلاً نسبه كبيره عاوزه تتطريها ..نرجع لموضوعنا ان اللي بيحصل في فلسطين هو اللي حصل في الاندلس من مئات السنين.. القشتاليين الاسبان بعد كده فرقوا بين الممالك الاسلاميه وبقت كل مملكه تحارب التانيه على امل ان القشتاليين حيسبوهوم في ممالكهم وبعض الملوك كانو بيدعي علي امراء الممالك التانيه كفرهم وانهم تنصروا عشان يحاربوهم نفس الفكره دلوقت بس الموضه اليومين دول التشيع ان حماس متجهه ناحية ايران الشيعيه عدوتنا لا والبلاد العربيه صدقت والسعوديه اشترت 72 طياره من طراز تايفون من انجلترا بعد لما رفضت امريكا انها تبيعلها اف 16 عشان الطيارات دي مع الاسرائيليين حبايبهم وبقت خلاص اسرائيل خايفه زينا من ايران وبقى الامن القومي المصري اللي عمرنا ما سمعنا عنه قبل كده مهدد من طرف حماس لأنها اقتحمت سور رفح الحصين وقتلت ظابط حدود ..طب راح فين دم العساكر اللي ماتوا على الحدود برصاص اليهود بقت اسرائيل ما بتشكلش خطر على الامن القومي المصري ...انا بلاحظ حاجه رائعه في الشعوب الجاهله ان مثلا كل القضايا اللي بتنط قدامنا بتظهر بعد لما يكون الغرب عادة هو اللي اثارها يعني مشكلة الحجاب ولا النقاب ولا حتى كشف الرأس بقت مشكله من اول ما النائب البريطاني جاك سترو طلب من واحده مسلمه انها تشيل النقاب عشان يعرف بيكلم مين ...هنا نطت مشكلة النقاب وبعديها الحجاب وبقى الموضوع مصري وعربي وبدأنا نتكلم فيه كأنه مش لبسنا ناس تقولك حرية اللبس وناس تقولك المهم القلب وناس تقولك ده حاجه خارجه عن الدين والاديان وده عاده مع ان اليهوديات و بالتبعيه المسيحيات المفروض يغطوا الشعر وياريت اشوف راهبه معريه شعرها وممكن تبصوا على المتدينين اليهود وحتى الصور التخيليه اللي المفروض انها عن سيدتنا مريم ولا ايقونه لها كاشفه فيها شعرها ..والاكاده بجى "والحته دي فلاحي" ان الكائن الحي اللي بيتقال عليه وزير الثقافه المصري طلع يستهزأ بالمحجبات وشويه نط في ام الموضوع حسين ابو فهمي الممثل المخروف يأيده وشويه في برنامج تاني وحيد حامد يستهزأ بالحجاب ويقول عليه البتاع ده اللي بيلبسوه ويقول برضه الاسلام عمره ما كان لبس ......حسبي الله ونعم الوكيل.. المهم دي شوية خواطر كانت عندي وشكراً لكل اللي قرأ وفهم
[link]layList&=BCB83690E965C616&laynext=1&index=6






شاهدوا هذه الحلقه لفهم القضيه وجزء من تطور مشكلة فلسطين

[link]


SEE THIS NEW CRIME -----------------------------------------

-------------------------------------------------------------------
-------------------------------------------------------------------
-------------------------------------------------------------------
[link]
-------------------------------------------------------------------
-------------------------------------------------------------------
-------------------------------------------------------------------
-------------------------------------------------------------------
-------------------------------------------------------------------

YouTube Videos for Fascist Israel Crimes
I hope all my friend who read this Journal Make a new collection for Palestine and Israel crimes Photos in them Galleries...Thanks
[link]
[link]
[link]
[link]
[link]
[link]
[link]
[link]
[link]
[link]
[link]